Prokuroria Themelore Publike në Shkup dje lëshoi një urdhër deri te Ministria e Brendshme për të arrestuar dy persona, autorin dhe administratorin e grupit “Dhoma Publike” në rrjetin social Telegram. Është vepruar sipas urdhërit dhe personat janë arrestuar. Prokurori publik kompetent lëshoi një urdhër për zbatim të një procedure hetimore kundër dy të dyshuarve për veprën penale – Prodhim dhe shpërndarje të pornografisë së fëmijëve. Ata me qëllim kanë lejuar që në këtë grup të krijohet përmbajtje audio-vizuale në të cilën janë treguar marrëdhënie seksuale me një fëmijë. Meqenëse ekziston rreziku i arratisjes, mundësi të ndikojnë ndaj dëshmitarëve ose ta përsërisin veprën penale, prokuroria i propozoi gjykatësit të procedurës paraprake shqiptim të masës për paraburgim. Në këtë grup “Dhoma Publike” kishte edhe abuzim me fotografi të vajzave. Gjithashtu u mbajt një protestë në mbështetje të viktimave, ndërsa para disa ditësh katër persona janë arrestuar.