Një 44-vjeçar nga Prilepi është arrestuar në pikën kufitare Tabanoc, i dyshuar për mashtrim mbi 88 mijë euro, transmeton TV21.
Ai dyshohet se, gjatë periudhës korrik–nëntor 2025, ka mashtruar një person nga Vallandova duke i premtuar rrejshëm organizim të trajtimit jashtë vendit për bashkëshorten e tij.
Sipas autoriteteve, i dëmtuari ka paguar në disa raste rreth 88.300 euro, ndërsa bashkëshortja e tij ndërkohë ka ndërruar jetë. Rasti është hetuar nga Policia Kriminalistike në bashkëpunim me njësitë policore përkatëse.
I dyshuari është nxjerrë para gjykatës në Gjevgjeli, ku ndaj tij është caktuar masë kujdesi.