Lideri i Aleancës për Shqiptarët, Arben Taravari në ClickPlus ka dalë me premtim të ri për rastin gjyqësor “Alfa”.
Tha se ministri nga radhët e tij, Krenar Lloga në Ministrinë e Drejtësisë, beson se deri në fund të mandatit të kësaj Qeverie do ta zgjidh rastin “Alfa”.
“Ka vende që nuk kemi ndikim. Te Këshilli Gjyqësor. Unë mendoj se zotëri Lloga është duke bërë çmos që së paku ky rast të zgjidhet në mandatin derisa jemi në Qeveri dhe besoj deri në fund ai do të mundohet që ta zgjidh këtë rast”, tha Taravari.
Kjo deklaratë vjen ngaqë sot duhej të mbahej seancë për rigjykimin e rastit “Alfa”, por e njëjta është shtyrë për më 25 nëntor.