Parlamentet kanë rol thelbësor si rojtarë të vlerave demokratike, proceseve dhe lirive bazë dhe ndihmojnë në përforcimin e besimit të opinionit, citohet në kumtesën e sotme të nënshkruar nga kryetarët e Asamblesë Parlamentare të Këshillit të Evropës (APKE), Asambleja Parlamentare e Aleancës Veriatlantike (AP e NATO-s) dhe Asambleja Parlamentare e Organizatës për siguri dhe bashkëpunim në Evropë (AP e OSBE-së).
Për shkak të kësaj e rëndësishme është asambletë edhe më tutje të funksionojnë gjatë krizës , të sjellin pako të ndihmës ekonomike dhe masa urgjente të lidhura me shëndetin publik dhe njëkohësisht të përpiqen të sigurojnë kontroll demokratik, efikas dhe bilanc, kudo që të jetë e mundur”, thuhet në kumtesë.
“Duke punuar së bashku dhe përmes organizatave multilaterale relevante, qeveritë tona, asambletë dhe bankat qendrore mund të ndihmojnë në zvogëlimin e ndikimit afatgjatë të krizës, veçanërisht te grupet e ndryshme dhe të margjinalizuara”, potencohet në kumtesë dhe shtohet se nevojitet koordinim i afërt me asambletë në nivel kombëtar dhe ndërkombëtar, që të promovohen përgjigjet demokratike, efikase dhe koherente të politikave publike dhe zgjidhjen e problemeve të qytetarëve.
Në deklaratën e përbashkët thuhet se këto organizata, së bashku përfshijnë 57 vende të Amerikës Veriore, Evropës dhe Azisë Qendrore dhe popullatë prej mbi një miliard qytetarë.
Ata citojnë se seriozisht janë të brengosur për shkak të përhapjes globale të pandemisë së Kovid-19, kërcënimi i saj për shëndetin e njerëzve, siguria dhe mirëqenia dhe efektet e saj humbëse mbi funksionimin normal të shoqërive, të drejtat themelore dhe demokratike dhe liritë, si dhe ekonomia botërore.
Kjo krizë globale kërkon përgjigje globale, thuhet në kumtesën e përbashkët, duke potencuar se mendimet e tyre, para se gjithash, janë me familjet të cilët i kanë humbur të afërmit e tyre dhe shumë të tjerë, jeta e të cilëve është ndryshuar për shkak të pandemisë dhe shprehet falënderim i sinqertë për të gjithë punonjësit mjekësor, shkencëtarët dhe hulumtuesit, si dhe personeli ushtarak dhe i sigurisë, të cilët pa u lodhur punojnë në linjën e parë të Frontit me Kovid-19 për të na ruajtur të sigurt.