Kandidati amerikan demokrat, Xho Bajden ka rritur epërsinë e tij ndaj presidentit të tanishëm Donald Tramp dhe tani qëndron në dhjetë pikë përqindje, sipas sondazhit të fundit të “Foks Njuz”.
Sipas rezultateve, 53 për qind e votuesve do të votonin për ekipin Bajden-Haris, ndërsa 43 për qind për dyshen republikane Tramp-Pens.
Sondazhi u realizua në të gjithë vendin pas debatit të parë presidencial dhe pasi u njoftua se Tramp ishte infektuar me koronavirus.
Hulumtimi tregon se Bajden ka rritur epërsinë e tij në muajin e fundit me pesë pikë përqindje.
Kur bëhet fjalë për zgjedhjen e presidentit, temat më të rëndësishme për të anketuarit janë koronavirusi dhe ekonomia, pasuar nga kujdesi shëndetësor, problemi i racizmit dhe krimit./MIA