Pas nesh e lëmë një vit në të cilin çdo dit u ballafaquam me sfida në plan personal dhe profesional. U përballëm me krizë të paparë, në të cilën të gjithë ne së pari duhej të kujdesemi për ruajtjen e shëndetit të njerëzve, ndërsa njëkohësisht të marrim edhe vendime të shpejta për mbështetje të mirëqenies në këto rrethana të vështira.
Këtë e thekson guvernatorja e Bankës Popullore Anita Angelovska-Bezhoska në porosi me rastin e Vitit të Ri 2021.
Në porosi shton se ky vit na përkujtoi se vlera jonë më e madhe janë njerëzit e guximshëm, të përkushtuar dhe profesional, pa mbështetjen e të cilëve është e pamundur me sukses të kalohet nëpër trazirat që i sjellin krizat. Pikërisht këto vlera të ndërtuara, thekson, edhe neve si bankë qendrore, na e lehtësuan plotësimin e qëllimeve dhe ballafaqimin e suksesshëm me të gjitha sfidat në vitin 2020.
Në vitin që vijon, para se gjithash, dëshiron të gjithë ta ruajmë më të shtrenjtën, ndërsa ajo është shëndeti.
“Shpresoj se do të arrijmë ta fitojmë betejën me pandeminë, ndërsa misionin tonë do ta plotësojmë në rrethanë më humane, me më pak takime virtuale dhe me komunikim më të madh social. Por, përderisa koha do të tregojë se lufta do të jetë më e madhe, nuk kam dyshim se të gjithë, me mençuri dhe virtyte, do t’i sjellim vendimet tona. Pas të gjithave, viti që kaloi tregoi se edhe në kriza të tilla të gjithë dimë të jemi më të sakrifikuar, të guximshëm, rrezistent, inspirues dhe inovativ. T’i marrim këto vlera me ne edhe në vitin e ri! Urime Viti i Ri 2021!, shkruajti guvernatorja në porosi.