Andrea Meza zgjedhet “Miss Universe”

Andrea Meza nga Meksika, u kurorëzua me titullin “Miss Universe” në garën e 69-të me radhë, e cila ishte anuluar vitin e kaluar për shkak të Covid-19.

“Meksikë kjo është për ty”, shkroi ajo në Instagram, bashkangjitur më një video, gjatë momentit më të lumtur të saj.

Gara u mbajt në Hollywood, Florida, ku për hapjen e ceremonisë u përkujdes Mario Lopez dhe Olivia Culpo, gjithashtu u shoqërua me një performancë të Luis Fonsi. Meza ishte në garë me 73 vajza të tjera, përfshirë edhe Miss Brazilin, Julia Gama, si dhe Miss Peru Janick Maceta Del Castillo.

“Jam shumë mirënjohëse që u zgjodha në mesin e 73 vajzave të mrekullueshme, me të cilat ndenja sot, të mbash kurorën e “Miss Universe” është një ëndërr e bërë realitet”, tha Meza.