Stefan Andonovski, anëtar i Komitetit Ekzekutiv të VMRO-DPMNE-së, në emisionin e mbrëmshëm “Click Plus” të TV21, duke e komentuar vendimin për shpallje të gjendjes krize në territorin e gjithë shtetit, tha se VMRO-DPMNE-ja që në muajin mars ka kërkuar të shpallet gjendje krize, por se asokohe Qeveria ka siguruar se nuk ka nevojë për këtë.
“Ne kishim kërkesë që në fillim të marsit të shpallet gjendje krize me qëllim që të rriten kapacitetet shoqërore. Asokohe ne nuk dinim me çka po luftonim. Atëherë nga Qeveria na siguruan se nuk ka nevojë për diçka të tillë. Kjo zgjati një javë, e pastaj shpallën gjendjen e jashtëzakonshme. Mundej që të gjitha kapacitetet shtetërore të shfrytëzoheshin në gjendje krize, e më pas të shkohet në gjendje të jashtëzakonshme nëse situatat e kërkonin këtë… e dini që të blihen kartela për blerje të zgjedhjeve, por mendoj se tani mungon menaxhimi shëndetësor”, theksoi Stefan Andonovski – anëtar i Komitetit Ekzekuziv të VMRO-DPMNE-së.
Duke u përgjigjur kritikave të Andonovskit, Pavle Bogoevski theksoi se në momentin kur
VMRO-DPMNE ka kërkuar të shpallet gjendje krize nuk ka pasur nevojë për këtë, pasi, siç tha, atëherë kapacitetet spitalore ishin të mjaftueshme.
“Në atë moment nuk kishte nevojë. Mjaftonte me shëndetësinë publike. A ju kujtohen fjalët për sheshim të lakores, të ndërmerren masa me qëllim që të sheshohet lakorja, që të mos vijë deri te rritja e shpejtë e të infektuarve, dukuri me të cilën shëndetësia publike nuk do të mund të përballohet. Dallimi tani është se sistemi publik shëndetësor nuk ka kapacitet për t’u ballafaquar me numrat e rinj, prandaj tani zbatohet kjo masë”, u shpreh Petar Bogoevski – ish-deputet.
Andonovski e përsëriti qëndrimin e partisë së tij, e cila kërkoi dorëheqje nga Zaevi dhe të formohet Qeveri ekspertësh e cila do të mund të përballet me krizën e jashtme politike, shëndetësore dhe ekonomike. Bogoevski shtoi se Zaevi tashmë ka dhënë dorëheqje për arsye të tilla, por sërish e ka marrë besimin në zgjedhjet e fundit parlamentare.