Kompania “Amazon” paralajmëroi se do të investojë dy miliard dollarë amerikan në projekte për luftë kundër ndryshimeve klimatike, si dhe përforcim të përpjekjeve për zvogëlim të gjurmëve të karbonit të gjigantit teknologjik.
Fondi për klimë (CPF) do t’i mbështesë përpjekjet e kompanive në shumë sektore për “lehtësim të tranzicionit ndaj ekonomisë me zero thëngjill”, citohet në kumtesën e “Amazon”.
“Nisma do të përpiqet të investojë në sipërmarësit vizionarë dhe inovatorët të cilët ndërtojnë prodhime dhe shërbime për t’u ndihmuar kompanive t’i zvogëlojnë mbeturinat e thëngjillit dhe të punojnë me qëndrueshmëri”, tha themeluesi dhe drejtor ekzekutiv i “Amazon”, Xhef Bezos.
“Amazon” kumtoi se është parashikuar të punojë në 100 për qind të energjisë së rinovueshme deri në vitin 2025. Përveç kësaj, do të ketë më shumë se 100.000 furgonë elektrik për dërgesë që t’i zëvendësojë automjetet me karburante.
Fondi i ri do të investojë në kompanitë e industrive të ndryshme, duke përfshirë transport dhe logjistikë, prodhimtari të energjisë, deponim dhe përdorim, prodhimtari dhe materiale, ekonomi, ushqim dhe bujqësi./MIA