Aksident i rëndë në “rrugën e përgjakshme” të Prishtinës

Një aksident i rëndë ka ndodhur në rrugën “Vëllezërit Fazliu” në lagjen “Kodra e Trimave” në Prishtinë.
Dy vetura janë përplasur rreth orës 17:00, duke shkaktuar edhe lëndime, sipas dëshmitarëve në ngjarje.
Kjo rrugë të shtunën ishte shkas i protestave të banorëve të “Kodrës së Trimave” që kërkonin të shtroheshin më shumë pengesa për të ndalur shpejtësinë e veturave.
Banorët e “Kodrës së Trimave” këtë rrugë e quajnë “rrugë të përgjakshme” për shkak të aksidenteve të shumta fatale që kanë ndodhur.