Ahmeti: Autostrada Shkup-Bllacë kryhet për 2 vjet, punimet mbesin pezull për shkak shpronësimit të tokave

“Jemi rikthyer pas dy ditësh përsëri në vendin ku duhet te ndërtohet autostrada Shkup-Bllacë. Këtu nuk ka ende ndonjë lëvizje të madhe dhe nuk po shohim ndonjë eskavatorë që kanë filluar të punojnë.
Por shohim disa gjeometër të cilët kanë ardhur për të bërë matje ku është vendosur edhe një tabelë që tregon projektin që duhet të ndërtohet”, Afrim Jonuzi, gazetar.

Edhe sot shkuam tek autostrada Shkup-Bllacë për të parë se a po punojnë ekskavatorët për ndërtimin e autostradës.

Në një vend tjetër jo në vendin ku ishim të hënën, na treguan se kanë shkuar disa ekskavator dhe po punojnë.

Shkuam tek vendi, por punimet nuk po zhvilloheshin dhe kishin mbetur në gjysmë.

Na treguan se punimet janë ndalur për shkak se i lejojnë banorët e fshatit të Bllacë, të cilët nuk pajtohen me çmimin e tokës që po u blenë shteti.

Eskavatori po qëndron por nuk ka kush ta drejton dhe kush të punoj me të.
E mbrëmë në Click Plus lideri i BDI-së Ali Ahmeti tha se brenda 2 viteve autostrada Shkup-Bllacë do të jetë punë e kryer.

“Mos u bë skeptik se jo më shumë se 1 vjet një vjet e gjysmë me autostradë Shkup-Bllacë”, tha kryetari i BDI-së, Ali Ahmeti.

TV21 tentoi të bisedojë edhe me banorët e fshatit të Bllacës, por ato thanë se nuk do të lëshojnë pe nëse nuk do paguhet toka sipas çmimit të kërkojnë dhe se për këtë gjë kanë angazhuar edhe një avokat.

Ndryshe të gjitha procedurat për fillimin e punimeve janë kryer, është përzgjedhur edhe kompania e cila do të ndërton 2 kilometrat e para, por tani për tani punimet kanë mbetur pezull për shkak eksproprijimit të tokave.