Aerodromi dhe Karposhi rekord me raste aktive me Covid-19

TË FUNDIT

Për tetë ditë, Maqedonia e Veriut ka regjistruar 2688 raste të reja me Covid-19, nga 15.469 testime të realizuara. Numri më i madh i të infektuarve janë në komunat e Shkupit. Prijnë Aerodromi, Karposhi, Qendra, Kisella Voda dhe Gjorçe Petrovi.

Dje vendi regjistroi bilancin më të zi, 445 raste të reja me Covid-19.

Ndër 100 raste, ka në komunën e Çairit e cila në valën e parë kishte numrin më të madh të të infektuarve. Tash kjo komunë ka 84 raste. Pas kësaj vjen Buteli me 74 raste, Ilindeni me 28.

17 raste kanë Sopishtja dhe Saraji, ndërkaq 13 raste Shuto Orizare dhe 11 raste Stranec. Nga 8 raste deri në 3 kanë komunat si Petrovec, Çuçer Sandevë, Zelenikovë, Haraçinë dhe Studeniçan.

Por në nivel shtetëror, për raste aktive prijnë Shkupi.  Nga 2688 raste të reja që u regjistruan në 8 ditët e fundit, 1969 raste aktive janë në Shkup.

Krusheva është komuna ku  nuk ka asnjë rast aktiv. Një rast aktiv e ka Demir Hisari, Makedonski Brod 2 raste, Kratova 3, Pehçeva 4, Resnja 10 dhe nga 18 raste aktive kanë Negotina dhe Probishtip.

Mbi 30 raste aktive ka në Gjevgjeli, Gostivar, Veles, Struga, Kavadar, Radovish, Ohër, Dibër, Kriva Pallankë, Berovë, Vallandovë, Vinicë, Dibër, Shën Nikollë dhe Kërçovë.

Shkupi prin edhe për numrin e viktimave, për tetë ditë në tërë shtetin ka pasur 40 raste të të vdekurve në 15 qytete. Vetëm dje kishte 9 të vdekur.