Nëse përkeqësohet gjendja epidemiologjike, çerdhet mund të mbyllen përsëri. Drejtori i Shtëpisë së shëndetit Shkup, Viktor Isjanovski i cili është anëtar i Komisionit për sëmundje ngjitëse tha se vendimi varët nga gjendja me virusin, kushtet dhe kriteret, që duhet të plotësohen për qëndrim ditor nëpër shkollat.
“Po, ka mundësi që çerdhet të mbyllen përsëri. Këtë e tha edhe ministri që të ndërmerren të gjitha masat dhe të jepen udhëzime nga Komisioni deri te Qeveria”, theksoi Viktor Isjanovski – Drejtor i Shtëpisë së Shëndetit – Shkup.
Informacionin e këtillë e konfirmoi edhe ministrja për punë dhe politikë sociale Jagoda Shahpaska, e cila siguron se situata në çerdhe ndiqet me vëmendje në nivel ditor dhe sipas gjendjes dhe qëndrimeve të institucioneve përgjegjëse, do të sillen vendimet e ardhshme.
“Ne si Ministri që nga momenti i sjelljes së vendimit për hapjen e çerdheve, në nivel ditor e ndjekim gjendjen shëndetësore të fëmijëve dhe të punësuarve. Në bazë të këtyre informacioneve do t’i krijojmë qëndrimet dhe përfundimet tona për mënyrën e veprimit në periudhën që vijon. E ndjekim me vëmendje gjendjen epidemiologjike, para se gjithash qëndrimet e Komisionit për sëmundje ngjitëse por edhe qëndrimet e Ministrisë për punë dhe politikë sociale dhe Ministrisë së shëndetësisë, dhe së bashku do t’i krijojmë vendimet sipas gjendjes”, deklaroi Jagoda Shahpaska – Ministre për Punë dhe Politikë Sociale.
Shahpaska pohon se në çerdhe ka vende të lira ndërsa nëse plotësohen të gjitha kapacitetet, komunat kanë rekomandim të sigurojnë zgjidhje alternative për akomodim të fëmijëve. Ajo përmendi se ndër zgjidhjet alternative janë klasat, shtëpitë e kulturës dhe objekte të tjera. Sipas analizave të ministrisë, ka prindër që i kanë regjistruar fëmijët e tyre në çerdhe por nuk i sjellin. Çerdhet filluan me punë më 9 shtator por tashmë ka 4 raste të fëmijëve që kanë rezultuar pozitiv në virusin korona, njeri prej Shkupit dhe fëmija tjetër nga Strumica. Janë të infektuar edhe dy edukatore nga Kumanova dhe Manastir. Njëkohësisht Komisioni për sëmundje ngjitëse nesër në takim do të diskutojë në lidhje me qëndrimin ditor nëpër shkolla.