A e politizoi Spasovski foltoren qeveritare? Lavdëroi politikat e Zaevit dhe e ftoi VMRO-DPMNE-në të reforomohet

Kryeministri teknik Oliver Spasovski u përshëndet me publikun dhe tha se gjatë mandatit të tij 9 mujor vendi është bërë anëtare e plotfuqishme e NATO-s dhe ka marrë datën për nisjen e negociatave me Bashkimin Evropian. Por ajo çfarë tërhoqi vëmendjen ishte se për këto arritje Spasovski meritat ia dha Zoran Zaevit i cili për momentin është lider i partisë së Lidhjes Socialdemokrate të Maqedonisë.

“Që mos ta dezinformojmë publikun thash: treguam përmbajtje në procesin reformues dhe me këtë dhamë argumente të reja për realizim të perspektives së NATO-s dhe BE-së deri te të cilat erdhi pas vendimeve të guximshme të ish dhe kryeministrit të ardhshëm, Zoran Zaev i Qeverisë dhe të Kuvendit të cilat nuk guxuam t’i rrezikojmë me asgjë”, theksoi Oliver Spasovski, kryeministër teknik në largim.

Por, Spasovski nuk përmendi ish krerët e institucioneve tjera siç bëri me përmendjen e kryeministri Zaev dhe ftoi që të reformohet opozitarja VMRO-DPMNE.

“E ftoj edhe opozitën që të gjejë fuqi dhe të reformohet dhe të përfshihet në proceset të cilat ua sjellin të mirën si qytetarëve ashtu edhe shtetit”, tha kryeministri teknik në largim, Oliver Spasovski.

Por me këto deklarata a po e politizon Spasovski foltoren e qeverisë teknike? Ai u përgjigj:

“Unë e lexova këtë që ta shihni edhe ju se nuk është ajo që doni ta thoni. Dua që atë që dua të përcjell ta them qartë dhe saktë. Kjo është foltore qeveritare dhe asnjëherë, as për këto 9 muaj dhe as më për katër vjetët e kaluara kur kam qenë në post ministror asnjëherë nuk i kam përdorur foltoret qeveritare për qëllime partiake sepse këtë e bëjmë zëdhënësit partiak”, u shpreh Oliver Spasovski.

Spasovski foli edhe për marrëveshjen e koalicionit e Qeverisë së ardhshme, sipas të cilës nuk kemi qeveri teknike po kalimtare. Sipas Spasovskit nuk do të ketë as qeveri teknike e as kalimtare por vetëm, politike.
Para largimit të tij, falënderoi edhe ministrinë Shëndetësisë, Venko Filipçe për siç vlerësoi “sepse menaxhoi mirë krizën shëndetësore të Kovid-19, ndërkaq shprehu bindjen se kabineti qeveritar i ardhshëm ku ai pritet të jetë Ministër i Punëve të Brendshme është profesional dhe nuk ka njolla korruptive.