A do të ketë “Një shoqëri për të gjithë”? Komunitetet pakicë të pakënaqura

TË FUNDIT

Retorika e fushatës së zgjedhjeve paraprake që bazohej në “Një shoqëri për të gjithë” nuk ishte e pranishme në këtë fushatë zgjedhore, në listat zgjedhore, e as dje te LSDM-ja dhe te BDI-ja.  Sipas aktivistes civile, Mersiha Smailloviq, është e padrejtë që edhe përkundër kuadrove cilësore te komunitetet pakicë, për ministra të zgjidhen vetëm maqedonasit dhe shqiptarët. Përveç kësaj, Smailloviq vlerëson se padrejtësia i është bërë edhe kuadrove cilësore femërore që nuk ka asnjë vend ministror në Qeverinë e re.

“Ndjenja e komuniteteve pakicë si pjesëtare dhe si femër, donte të thotë se do të ketë shpresë dhe se do të flasim. Por siç kalojnë vitet, ajo retorikë çdoherë e më pak është e pranishme te të gjithë aktorët e tjerë politik, nuk flas vetëm për Kryeministrin Zaev, por edhe për ministrat e tjerë. Sikur u zhduk kjo retorikë. Edhe dje kur e pamë njërën pjesë të koalicionit “Mundemi” në propozimin e tyre për ministra, me të vërtetë kishte emra inkurajues, prezencë të grave, inkurajon edhe ajo që u shfuqizuan ministritë pa resor për shkak se këtë gjë e kemi kërkuar. Por,  tash nuk është ajo retorikë. Nuk ishte në fushatën zgjedhore, në listën zgjedhore, e dje nuk ishte as te LSDM as te BDI”, theksoi Mersiha Smailloviq, aktiviste.

Kryetari i Partisë për Emancipim të Plotë të Romëve, Samka Ibraimovski dhe partner koalicioni i LSDM-së, deklaroi se me përbërjen e Qeverisë së re, partia e tij do ta humbë edhe atë që kishte.

 “Atë që e kishim, do ta humbim. Bëhet fjalë për ministrin pa resor për zbatimin e Strategjisë së romëve, i cili ishte pikënisja dhe nuk arritëm të marrim numër të mjaftueshëm votash. Sipas parimit të Qeverisë së re, nëse hyn një femër, respektivisht duhet të hyjë një femër nga lista sepse sipas Nenit të Kodit Zgjedhor duhet të hyjë e 11-ta, e jo i nënti, Kozarov. Nuk e di çfarë kombinimi duhet bërë që unë të bëhem deputet apo Kozarovi”, u shpreh Samka Ibraimovska nga  Partia për Emancipim të plotë të Romve.

Samka në vitin 2017 u bë ministër pa resor për zbatimin e Strategjisë së romëve, kurse në dhjetor të vitit të njëjtë, dha dorëheqje dhe u kthye në funksionin e tij si deputet.