BMW ka prezantuar gjeneratën e tetë të Serisë 3, e cila sjell një dizajn të ri të frymëzuar nga filozofia “Neue Klasse”, ndërsa marka vijon të ofrojë edhe motorë me benzinë, përcjell TV21. Versioni M350 xDrive është i pajisur me motor 3.0-litërsh, me gjashtë cilindra në linjë dhe turbo, i kombinuar me teknologji hibride të lehtë 48V. Motori zhvillon 437 kuaj fuqi dhe 580 Nm çift rrotullues, ndërsa përshpejtimi nga 0 në 62 mph, ose rreth 100 km/h, realizohet për 4,1 sekonda.
Në kabinë, Seria e re 3 përfshin sistemin dixhital “Panoramic Vision”, me një ekran që shtrihet përgjatë pjesës së përparme të panelit. BMW ka ndërhyrë gjithashtu në shasinë e automjetit, me një bosht të përparmë me lidhje të dyfishtë dhe pezullim të pasmë me pesë lidhje.
Në gamën bazë pritet të jetë edhe modeli 330, me motor 2.0-litërsh turbo me katër cilindra dhe 255 kuaj fuqi. Sipas vlerësimeve fillestare, çmimi në Mbretërinë e Bashkuar pritet të nisë nga rreth 44.974 paund.
