Kryetari i Kuvendit, Afrim Gashi, gjatë vizitës zyrtare në Mbretërinë e Arabisë Saudite, ka marrë pjesë në një seancë të Këshillit të Shurës, përcjell TV21. Pas seancës, Gashi ka vizituar edhe hapësirat e këtij institucioni, duke u njohur nga afër me funksionimin e tij dhe rolin që ka në sistemin parlamentar dhe institucional të Arabisë Saudite. Gashi e ka cilësuar vizitën si një mundësi për të njohur më nga afër punën dhe organizimin e Këshillit të Shurës.
“Gjatë vizitës zyrtare në Mbretërinë e Arabisë Saudite, mora pjesë në seancën e Këshillit të Shurës, pas së cilës pata mundësinë të vizitoj edhe hapësirat e tij. Vizita ishte një mundësi për t’u njohur nga afër me funksionimin e këtij institucioni të rëndësishëm dhe me rolin e tij në sistemin parlamentar dhe institucional të Arabisë Saudite”, ka shkruar Gashi, i cili në Riad po qëndron nën shoqërimin e koordinatorëve të VMRO-DPMNE-së, Nikolla Micevski, atë LSDM-së, Oliver Spasovski dhe të deputetit Adnan Azizi.