Sot në Shkup do të zhvillohet marsh protestues me moton “Jo në emrin tim!”, lidhur me zhvillimet dhe proceset gjyqësore ndaj ish-pjesëtarëve të UÇK-së.
Marshi do të nisë në ora 14:00 nga Sheshi “Skënderbeu”. Organizatorët u kanë bërë thirrje partive politike shqiptare, familjeve të dëshmorëve, veteranëve, studentëve, profesorëve, intelektualëve dhe qytetarëve që t’i bashkohen protestës.
Sipas Këshillit Organizativ, marshi do të jetë paqësor dhe qytetar, ndërsa pjesëmarrësve u është bërë thirrje për qetësi dhe respekt të rendit publik.
Më 16 shtator, Gjykata Speciale në Hagë dënoi ish-drejtuesit e UÇK-së, Hashim Thaçin, Jakup Krasniqin, Kadri Veselin dhe Rexhep Selimin, me dënime nga 13 deri në 25 vjet burgim për krime lufte. Vendimi është bërë objekt reagimesh dhe qëndrimesh të ndryshme politike.