Presidenti amerikan Joe Biden ka dhënë dritën jeshile për dërgimin e bombave thërrmuese në Ukrainë.
Të kërkuara prej kohësh nga Ukraina, bombat thërrmuese janë armë që hapen në ajër, duke lëshuar nënmunicione ose bomba, të cilat shpërndahen në një zonë të madhe dhe kanë për qëllim të shkatërrojnë objektiva të shumtë në të njëjtën kohë.
Presidenti amerikan Joe Biden miratoi zyrtarisht ofrimin e municioneve thërrmuese për Ukrainën të premten.
Pentagoni tani pritet të dërgojë mijëra prej tyre si pjesë e një pakete të re ndihme ushtarake me vlerë deri në 733 milionë euro për përpjekjet e luftës kundër Rusisë, sipas njerëzve të njohur me vendimin.