Gjithsej 168 masa, përfshirë nëntë për drejtim pa patent shoferi, shtatë për automjete të paregjistruara, nëntë për përdorim të celularit janë shqiptuar gjatë ditës së djeshme vetëm në territorin e Qytetit të Shkupit, kumtoi Ministria e Punëve të Brendshme.
Informojnë se janë shqiptuar gjashtë sanksione për parakalim të parregullt, 65 masa për parkim të parregullt të automjeteve dhe 16 sanksione për mos mbajtjen e maskës mbrojtëse.
“Kontrollet e përforcuara në trafik vazhdojnë edhe në ditët në vijim. U bëjmë apel qytetarëve t’i respektojnë rregullat me qëllim të sigurimit më të madh në trafik”, theksojnë nga MPB-ja.
