Zaev: “El Cheka”, do të përgjigjet, nëse ka “bomba”, për mua le t’i publikojë!

Kryeministri i Maqedonisë së Veriut, Zoran Zaev, sot në pres konferencë tha se “El Cheka”, do të mbajë përgjegjësi përpara ligjit, ndërsa i pyetur se përse “El Cheka”, nuk publikon “bomba” edhe për partitë tjera por vetëm për BDI-në, Zaev u përgjigj duke thënë se për këtë duhet të pyetet publikuesi i “bombave”.

“Pyesni “El Chekën”, pse ai nuk publikon “bomba”, tjera, por vetëm për BDI-në. Unë publikisht them le të publikoi edhe për mua nëse ka. Lirisht. Por duhet ta dijë se për publikimin e bombave duhet të mbajë përgjegjësi. Dhe do të përgjigjet. Publikisht them se do të përgjigjet kur do që të jetë”, deklaroi kryeministri i Maqedonisë së Veriut, Zoran Zaev.