Ndërtimi i korridorit 10 është kah fundi. Ky korridor është financuar me mjetet e BE-së. Ndërtimin e tij e filloi pushteti i mëparshëm, ndërsa e vazhdoi pushteti aktual. Në procedurë e sipër është rikonstruimi i rrugës nga Velesi deri te Gradsko. Mbeten edhe 80 metra në pjesën Negotinë – Demir Kapi, për shkak të rrëshqitjes së tokës që duhet të sanohet.
Deri më tani janë ndërtuar 6 autostrada:
Tabanoc – Kumanovë, është aks i rindërtuar
Kumanovë – Shkup është rindërtuar e gjithë autostrada në të dyja drejtimet
Katllanovë – Veles, e gjithë rruga është rindërtuar
Demir Kapi – Smokvicë, e rindërtuar
Nga Smokvica deri në Gjevgjeli
Nga Gjevgjelia deri në Greqi, 4 km janë të gatshëm
Sipas Ministrisë për transport dhe lidhje, planifikohet që rrjeti hekurudhor në Korridorin 8 të përfundojë deri në vitin 2027. I gjithë projekti, së bashku me lidhjen hekurudhore me Shqipërinë, do të kushtojë rreth 1 miliard euro. Shqipëri – Strugë këtë vit ka tender për projektim dhe rikonstruim të autostradave.
Është në procedurë ndërtimi i autostradës Kërçovë – Ohër, sipas marrëveshjes nga qershori 2021
Kërçovë – Gostivar, projektohet ndërtimi i autostradës së re
Do të rikonstruohet autostrada Gostivar – Tetovë, për të cilën pritet tenderi
Rankoc – Kriva Pallankë, ndërtohet rrugë e shpejtë
Kumanovë – Kriva Pallankë – Bullgari, ndërtohet edhe një korsi
Në pjesën e hekurudhës, nga Kumanova deri në Bellakoc, planifikohen mbi 500 milionë euro, deri në fund të vitit. Për aksin Kriva Pallankë – Bullgari planifikohen 60 milionë euro dhe nga Kërçova deri në Lin në Shqipëri, nevojiten rreth gjysmë milion euro. Korridori panevropian 8 është korridor për transport i cili e lidh Detin Adriatik me Detin e Zi, duke kaluar përmes Tiranës, Shkupit dhe Sofjes. Përfundimi i infrastrukturës rrugore dhe hekurudhore do të sigurojë rritje ekonomike, zhvillim të biznesit, turizmit, sportit si dhe prosperitet për qytetarët e Shqipërisë, Maqedonisë së Veriut, Bullgarisë dhe rajonit të Evropës juglindore në përgjithësi.
Përgatiti Arbana Q. Klimenta