8 pacientë lëshohen në shtëpi! 9 do të kthehen nga jashtë shtetit

Në spitalet e vendit janë të shtruar 22 pacientë, të gjithë në gjendje stabile prej të cilëve 8 lëshohen për trajtim shtëpiak, njoftoi ministri i Shëndetësisë Arben Taravari.

“Sot i lëshojmë në gjendje të përmirësuar dhe më të mirë 8 pacientë, kështu që në Shkup në të gjitha spitalet do të mbeten vetëm 14 pacientë. Lajme të mira edhe për pacientët të cilët mjekohen jashtë vendit mbeten vetëm 91 pacientë jashtë vendit sepse kthehen 9 pacientë, 3 nga Hungaria, 2 nga Italia, 1 nga Athina, 1 nga Suedia”, tha Arben Taravari.

Taravari edhe një herë ka ritheksuar se Qeveria po mbulon të gjitha shpenzimet për të lënduarit duke përfshirë edhe shpenzimet për dy anëtarë të familjes të secilit pacient që po trajtohet jashtë vendit.

“Për të gjithë pacientët trajtimi është falas, zero denarë. Për të gjithë pacientët janë siguruar bileta avioni për dy anëtarë të familjes, ose nëse kanë udhëtuar me autobus apo diçka tjetër është siguruar transport, plus akomodim për dy anëtarë të familjes të secilit pacient, për të gjithë”, deklaroi Taravari.

Për pacientët në gjendje kritike, ministri tha se disa analiza laboratorike tregojnë përmirësim në krahasim me ditët e kaluara.