Gjykata Penale ka sjellë sot aktgjykimin për rastin “Reket” ku ish-kryeprokurorja e Prokurorisë Speciale Katica Janeva u dënua me 7 vjet burg për veprën penale keqpërdorim i detyrës zyrtare dhe autorizimit, ndërsa pronari i 1TV Bojan Jovanovski, i njohur me nofkën Boki 13, u dënua me 9 vjet burg për dy vepra penale, ndikim i paligjshëm dhe larje parash.
Deri sa Boki 13 ishte i pranishëm në sallë për të dëgjuar aktvendimin gjyqësor, ish-kryeprokurorja e Speciales nuk ishte e pranishme, e siç tha gjykatësja, mungon për arsye shëndetësore-familjare./TV21
