Ministria e Shëndetësisë dhe Mbrojtjes Sociale në Shqipëri ka njoftuar, se në 24 orët e fundit janë kryer 2706 testime, nga të cilat kanë rezultuar pozitivë me Covid19 7 qytetarë.
Aktualisht janë 76 pacientë aktivë me COVID19 në vend. Po marrin trajtim spitalor të specializuar 2 pacientë, njëri prej të cilëve është në terapi intensive.
Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 11 qytetarë gjatë 24 orëve të fundit, duke e çuar numrin e të shëruarve në 129,975 që nga fillimi i epidemisë.