Drejtori i Drejtorisë për Siguri nga Rrezatimi, Zoran Bajovski tha se në vitet e fundit ata kanë luajtur një rol kyç në kontrollin, mbikëqyrjen dhe licencimin e të gjitha aktiviteteve që lidhen me rrezatimin jonizues, duke përfshirë aplikimet mjekësore, industriale, arsimore dhe kërkimore, teksa shtoi se qëllimi i tyre për vitin 2025 është lëshimi i licencave në mënyrë digjitale.
Nga kontrollet e kryera në të gjitha subjektet juridike, Bajovski tha se te 61 persona juridik janë gjetur parregullsi, me të cilët do të veprohet sipas kornizave ligjore, për vazhdimin e licencave.
“Në bashkëpunim me Agjencinë e Energjisë Atomike, përmes Drejtorisë bashkëpunon edhe MPB-ja, përmes përfaqësuesve të saj në pikën e kontrollit kufitar, sistemit të integruar kufitar, si dhe administratës doganore, terminalet doganore, pra drejtoria bën kontroll në të gjitha pikat kufitare. Për të ardhmen, qëllimi i drejtorisë në vitin 2025 është digjitalizimi i plotë përmes sistemit RAIS-PLUS, të cilin e kemi donacion nga IAEA, me qëllim lëshimin e të gjitha licencave dhe lejeve në mënyrë digjitale”, tha Zoran Bajovski, drejtor I Drejtorisë për Siguri nga Rrezatimi.
Sfondi radioaktiv i matur në TEC MANASTIR “nuk është shumë më i lartë” se ai natyror, tha Bajovski, në në pyetjen në lidhje me rritjen e fundit të hirit radioaktiv nga termocentrali.
“Ne e dimë që për çdo vit, sfondi natyror në Europë dhe në Botë po rritet çdo vit, ajo është nga qendrat nukleare, Maqedonia nuk ka Qendër Nukleare, nuk ka karburant bërthamor, por nuk është ndaj fatkeqësive natyrore, që krijon natyra. Nuk është për TEC Manastir, më e madhe se kufijtë e lejuar, matja është kryer edhe në vitin 2024 edhe tani është bërë matje nga ana e shërbimeve teknike, dhe nuk është sfond më i madh se rrezatimi”, shtoi Zoran Bajovski, drejtor I Drejtorisë për Siguri nga Rrezatimi.
Sa i përket institucioneve shtetërore, Bajovski theksoi se nuk ka parregullsi, por paralajmëroi për rreziqet e mundshme në institucionet ku njerëzit punësohen me kontratë pune – veçanërisht kur bëhet fjalë për punën me aparatura me rreze X dhe burime radioaktive.