5 vjet më parë, nuk ishte kaq qetë në Hasanbeg të Shkupit.
Vërshimet morën çdo gjë që u dilte përpara.
5 vjet pas vërshimeve shtëpitë u rregulluan, por disa rrugë ende kanë mbetur të dëmtuara.
Kryetari i Bashkësisë lokale “Jane Sandanski”, Adem Ismaili, thotë se kanali që ndan lagjen Hasanbeg është rrezik për banorët, ndërsa autoritetet nuk po ndërmarrin asgjë për ta pastruar.
“Kërkesat janë të shumta që i kemi bërë por nuk na ka marr në dorë askush. Tani besoni edhe ju se a mundet një njeri i gjallë këtu të jetojë, në këto kushte, në këto rrethana në këtë pjesë këtu që është. Kjo shihet këtu ku është me asfalt, kjo është prej kohës së vërshimeve dhe më nuk është ndërtuar!”, tha Ismaili.
Kryetar i Bashkësisë lokale “Alija Avdoviq”, Abdullah Ibishi, thotë se kërkesa për rregullimin e rrugëve kanë bërë deri tek komuna por asnjëherë nuk kanë marrë përgjigje. E shumë rrugë kanë mbetur të dëmtuara nga vërshimet.
“Shumë kërkesa kemi bërë, por asnjë nuk është realizuar, kam edhe fakte tash ju tregoj.
-Këto janë të gjitha kërkesat që i keni bërë?
Po këto janë të gjitha kërkesat që i kemi bërë me shkrim si bashkësi lokale Hasanbeg, kam ende më shumë, për kanalin kërkesë si për çerdhen edhe për rrugët, nuk kemi marr asnjë përgjigje”.
Kjo është rruga “Popovska”, njëra prej më të dëmtuara nga vërshimet, e nga ajo kohë ka mbetur në këtë gjendje.
Gjatë vërshimeve dëme të mëdha kishte edhe në lagjen Stajkovcë.
Ky është Mile Jordanovski. Ka 5 vjet që po mundohet të ndërtojë shtëpinë, që u bë e pa banueshme nga vërshimet. Thotë se mori vetëm 500 euro nga Kryqi i Kuq dhe 17 mijë denarë si dëmshpërblim.
“Vetëm sa mora të pijë kafen, vetëm kur filloi të bie shi këtu jashtë ishte një gropë, këtu filloi të hyjë uji, kisha dy qilima, i kam hedhur tani i kam të vjetra kisha shtrat, i kam hedhur, uji ishte deri këtu dhe kjo ishte e gjitha”, tha Jordanovski.
Më 6 gusht të vitit 2016, gjatë 24 orëve, në Shkup ra 93 litra kub shi. Më së keqi e pësoi rajoni në Verilindje të kryeqytetit, si Hasanbeg, Stajkovcë dhe vendbanime të tjera. Kishte 22 viktima, ndërsa numri më i madh i shtëpive u përmbytën, duke shkaktuar mijëra euro dëme materiale.