5 lojtarë të Parmës të infektuar me virusin korona

Parma italiane njoftoi se në ekip ka edhe një lojtar tjetër me koronavirus, që do të thotë se numri i të infektuarve është rritur në pesë.

Ekipi lëshoi një komunikatë këtë mëngjes duke njoftuar se pas testeve të enjten, të cilat ishin negative, testi i ri tregoi se një nga lojtarët ishte pozitiv me Covid-19.

Lojtari aktualisht është në karantinë dhe nuk ka simptoma. Kështu, numri i përgjithshëm i të infektuarve në Parma është pesë.

Sipas protokollit, skuadra do të vazhdojë të jetë e izoluar në bazën e saj të klubit dhe do të kryejë procesin e saj normal të trajnimit përpara ndeshjes së nesërme me Udinezen.

Raundi i ardhshëm i testeve do të kryhet 24 orë para ndeshjes.