35 milionë euro për një kilometër autostradë?! Sllaveski: Shuma për “Behtel & Enka” do të jetë mbi €1.3 miliardë

A do të paguajnë qytetarët pothuajse 4 miliardë euro për autostradat që i ndërton Konzorciumi Behtel dhe Enka dhe a do të kushtojë një kilometër autostradë 35 milionë euro në vend të 12 milionë eurove?! A do t’i paguajmë me para nga huamarrja britanike prej 6 miliardë eurove?! Informacionet i shpalosi guvernatori i ri i Bankës popullore, Trajko Sllaveski në emisionin Biznes 21.

Nga Ministria për transport e demantuan Guvernatorin.

Sllaveski tha se edhe sipas informacioneve të tij, paratë që do të arrijnë këtë vit nga kredia britanike do të përfundojnë për pagesën e faturave të konzorciumit Behtel dhe Enka.

Nga Ministria e financave e demantuan Guvernatorin. Thonë se realizimi i këtij projektit është planifikuar që të financohet nga Buxheti. Për këtë vit janë projektuar 130 milionë euro.

Konzorciumi Behtel dhe Enka i ndërton autostradat e Korridorit 8 dhe 10D. Për 1.3 miliard euro sa është marrëveshja, duhet të ndërtojë gjithsej 110 kilometra autostradë. Korridori 8 është në gjatësi prej 68 kilometrave me autostradë me 6 korsi që do të lidh Tetovën me Gostivarin, Kërçovën, Strugën deri në Qafë Thanë. Korridori 10 D është 40 kilometra autostradë me 6 korsi dhe e lidhë Prilepin me Manastirin.