Verën e kaluar 34 persona humbën jetën në aksidente rrugore, tregoi Aleksandar Nikollov, shefi i njësisë së trafikut në MPB. Apeli për kujdes të shtuar qëndron gjithnjë, por për të parandaluar aksidentet po merren edhe masa nga policia.
“Në rritjen e mbingarkesës së trafikut dhe në sezonin turistik veror, po përgatiten plane të posaçme në të cilat ndërmerren veprime proaktive, oficerët e policisë janë të pranishëm në rrugët e hapura, gjithashtu në qytete, me apelin që qytetarët të respektojnë sinjalizimin vertikal dhe horizontal rrugor, të respektojnë shpejtësinë dhe kufizimin e shpejtësisë gjatë udhëtimit, të bëjnë pushime të shpeshta për të pushuar, të gjitha me qëllim përmirësimin e kushteve të trafikut, uljen e aksidenteve rrugore dhe viktimave të trafikut”, tha Aleksandar Nikollov, shef i njësisë së trafikut.
Sekretari i përgjithshëm i Konfederatës së Organizatave Sindikale të Maqedonisë, Goce Dellçev-Todev, tha se shoferët duhet të jenë të kujdesshëm me sinjalizimin rrugor sepse, siç tha ai, ka shenja të vjetra dhe ka rregulla të reja për përdorimin e atyre akseve .
“Mendoj që ende mungojnë elemente të caktuara , sidomos në fushën e drejtimit në atë që është gjithçka negative në rrugët, ai sinjalizim rrugor, për të cilin jemi dëshmitarë, si organizatë ndërkombëtare policore, ku çdo ditë marrim informacione për rrugë të ndryshme. P.sh ka pjesë të caktuara që kanë shenja të vjetra, ndërsa rregulla të reja për përdorimin e atyre akseve”, pohoi Goce Dellçev, Sekretar i Përgjithshëm i KOSM.
Rritja e ndërgjegjësimit dhe veprimin për sigurinë e njerëzve gjatë sezonit të verës ishte qëllimi i tryezës së sotme të rrumbullakët “Vera Turistike e Sigurt në Ballkan 2025”, e organizuar nga Organizata Ndërkombëtare e Policisë në Maqedoni. Ekspertë në fushën e sigurisë, përfaqësues nga MPB, agjencitë turistike dhe delegacionet nga organizatat ndërkombëtare sindikale dhe policore, folën për rregullat dhe rekomandimet themelore për pjesëmarrje të sigurt në trafik, si dhe udhëzimet për sjellje të duhur dhe të përgjegjshme, por edhe të udhëtarëve të huaj që do të kalojnë nëpër vendin tonë gjatë sezonit turistik veror.