3 kulla, 400 apartamente, 1200 banorë! Prezantohet projekti i rrokaqiejve të shumëpërfolur në Shkup

Tre kulla, 15, 20 dhe 25 kate. 400 apartamente ku  mund të jetojnë 1200 banorë. Pjesa tjetër do të jetë me zyra dhe biznese. Ky është plani për ndërtim përballë Qendrës Tregtare të Qytetit, të cilin e prezantuan arkitektët dhe drejtuesi i kompanisë “MG Feshën”.

Do të realizohet në 3 faza. Sipërfaqja bruto është 200 mijë metra katrorë. 6520 metra katrorë do të jenë gjelbërim, pa përfshirë atë në ballkone.

 “Flasim vetëm për atë pjesë që është ndodhet poshtë dhe në tarracat e sheshta, mbi pjesën afariste dhe tregtare, gjithë tjetrën që e shihni si arkitekturë, është diçka plus”, tha Martin Panovski – arkitekt.

Edhe pse këtu do të mund të jetojnë 1200 banorë, prapëseprapë shkollë dhe çerdhe nuk është paraparë. Ato mund të hapen edhe privatisht nga dikush, në hapësirat afariste tha arkitekti i projektit  dhe drejtuesi I “MG Feshën”.

“Në planin e detajuar urbanistik momentalisht nuk është parashikuar as shkollë as çerdhe. Nuk është paraparë as në të vjetrin, as në planin e ri gjeneral urbanistik. Për informacionin tuaj, shkolla dhe kopshte, në rreze prej 100 metrave keni 2 shkolla fillore dhe 2 çerdhe”, u shpreh Ilija Bozhinovski – arkitekt i projektit.

Nuk e dinë se sa do të kushtojë një apartament, ndërsa tregojnë se 3 kullat do të lidhen me hapësirë të paraparë për biznese dhe zyra. Do të ketë 1000 vend parkime.

 “Për parkimin, në përputhje me planin e detajuar Urbanistik, parkimi mund të bëhet në kuadër të parcelës ndërtuese ose në garazhin me kate që tashmë është e ndërtuar në bulevardin ‘Mirçe Acev’. Ne parkojmë vetëm në garazhin tonë, pra kemi mundësinë të parkojmë edhe në garazhin me kate por këtë mundësi nuk e shfrytëzuam”, potencoi Jana Gugullovska – arkitekte.

I pyetur rreth deklaratës së Kryetarit të Qendrës, se në Ministrinë e Transportit dhe Lidhjeve ka dërguar elaborat për suspendim, si dhe për procedurën që ka nisur Antikorrupsioni për planin, drejtuesi i “MG Feshën” nuk deshi të komentojë.

“Ne nuk kemi asnjë informacion për çfarëdolloj procedure, me këtë as nuk do të doja të komentoj dhe spekuloj”, theksoi Ilija Bozhinovski – arkitekt i projektit.

Të pyetur për reagimet e qytetarëve dhe peticioneve, arkitektët e projektit thanë se nënshkrimet janë kundër rrokaqiejve, ndërsa shtojnë se madhësia e objekteve është më e vogël se sa lejon Plani i Detajuar Urbanistik.