25 vjet nga atentati ndaj Gligorovit, ende nuk dihet se kush deshi të vrasë Presidentin e parë të shtetit

Ky vend nuk ishte kështu i qetë me 3 tetor para 25 vjetëve.

Një shpërthim i madh u dëgjua në momentin kur po kalonte kolona e kryetarit të parë të Maqedonisë së pavarur Kiro Gligorov.

Në momentin që po kalonte kolona një makinë e parkuar shpërtheu, me çka vrau shoferin dhe plagosi rëndë kryetarin e parë të shtetit.

Një shitëse që kishte parë ngjarjen ka treguar se çfarë ngjau në atentatin e vitit 1995.

“Sot në mëngjes diku ora ishte 10:10 kur për një moment ishte tmerr ajo që ndodhi. E dëgjuam dhe kuptuam se ishte një shpërthim i një bombe.
U dridh e gjithë toka dhe për një moment i pamë sigurimin e kryetarit, brenda kishte njerëz ishte tmerr nuk mund ta përshkruaj.
U mblodhën shumë njerëz dhe filluan të flasin se kryetari ka qenë në makinë.
Dhe menjëherë u mor veshtë se shoferi i kryetarit ka humbur jetën”, thotë shitësja.

Presidenti Kiro Gligorov, i cili i mbijetoi atentatit, kishte dëmtime të rënda në kokë.
20 kilogramë eksplozivë ishin fshehur në makinën “Citroen Ami 8”, e cila u aktivizua me telekomandë kur automjeti i Gligorov po lëvizte drejt ndërtesës së Parlamentit. Hetimi ndaj një autori të panjohur është ende i hapur. Hetimi përcaktoi se atentati ishte përgatitur dhe organizuar mirë dhe se rrethana e vetme e lumtur ishte që Presidenti Gligorov i mbijetoi atentatit.

25 vjet më para mu në këtë vend ku jemi sot ne, u bë atentat ndaj kryetarit të parë të Maqedonisë së Pavarur Kiro Gligorov. Por atentatorët asnjëherë nuk u zbuluan edhe pse ka pasur shumë premtime se atentatorët do të dalin para drejtësisë.
Presidenti i parë I Maqedonisë së pavarur Kiro Gligorov, ndërroi jetë në moshën 94 vjeçare më 1 Janar të vitit 2012.