22 raste të reja me COVID-19 në Shqipëri

Edhe pse me ritëm të ngadaltë, bilanci i të infektuarve me COVID-19 në Shqipëri po rritet. Në 24 orët e fundit nga 233 rastet e dyshuara të testuara rezultat pozitiv ka te 22 persona, me çfarë numri i përgjithshëm i të infektuarve me koronavirusin e ri është rritur në 584 persona.

Numri më i madh i të infektuarve të rinj apo 12 janë nga qyteti  i Kurbinit, ku para tre ditëve ishin konfirmuar rastet e para të të infektuarve. Bëhet fjalë për të punësuar në uzinën për prodhimin e këpucëve, për shkak të së cilës reparti në të cilën ka pasur 250 të punësuar është mbyllur.

“Gjatë 24 orëve të fundit, 13 pacientë të tjerë i janë shtuar listës së të shëruarve, duke e çuar numrin e të shëruarve nga Kovid-19 në 327.Aktualisht në vendin tonë janë 231 persona të infektuar aktivë. Përqindja e të shëruarve është më e lartë krahasuar me të infektuarit aktivë dhe kjo tendencë tashmë vazhdon pa luhatje prej më shumë se një jave. Deri sot, 26 qytetarë e kanë humbur betejën me këtë sëmundje edhe krahas përpjekjeve të personelit mjekësor”, theksohet në kumtesën e Ministrisë shqiptare të Shëndetësisë dhe Mbrojtjes Sociale.

Sipas burimit të njëjtë në Klinikën Infektive dhe Spitalin  “Shefqet Ndroqi”, janë vendosur 44 pacientë, prej tyre 10 janë në terapi intensive, prej të cilëve pesë janë në gjendje të rëndë.

Edhe më tej numri më i madh i të infektuarve me Kovid-19 janë nga Tirana apo 233, pastaj Shkodra – 99, Durëësi – 42 dhe Fieri 36 persona./MIA