200% fatura më të larta të gazit në Kumanovë! Qytetarët dhe institucionet ndalojnë përdorimin

TË FUNDIT

Qytetarët dhe institucionet në Kumanovë që përdorin gaz, prej këtij muaji do të paguajnë fatura për 200% më të larta. Në vend të 25 denarëve për metër kub siç ishte vitin e kaluar, tani më shumë se 400 përdoruesit do të duhet të paguajnë 80 denarë për metër kub të konsumuar.

Rritja e çmimit ka ardhur për shkak të krizës globale energjetike theksoi drejtori i Ndërmarrja “Kumanova-gaz” Marko Mitrovski. Rritja e çmimit të gazit ka goditur xhepin e konsumatorëve andaj edhe shumica kanë ndaluar përdorimin e gazit.

“Disa kompani si ndërtesat e banimit dhe shtëpitë private nuk janë të përjashtuara por nuk e përdorin energjinë tonë konkretisht sa kemi të njoftuar gaz nuk përdorin çerdhja Lulevjollcë, “Razvigorçe”, disa ndërtesa, biblioteka “Tane Georgievski”, shtëpia e pleqve “Zafir Sajto”, gjimnazi “Goce Dellçev” lajmëroi gjithashtu se do të largohet”, tha Marko Mitrovski, drejtor i NP “Kumanova-Gaz”.

Drejtoresha e çerdhes “Angel Shajçe”, Marina Aleksovska për TV21 theksoi se në kohë kanë ndërmarrë masa të nevojshme në mënyrë që fëmijët të mos mbesin pa ngrohje.

“Nga 8 objektet vetëm dy tani i kemi me gaz ndërsa gjashtë të tjerat janë me karburant ekstra të lehtë dhe një me rrymë elektrike. Për shkak të çmimit të lartë dhe arsyeve financiare e kemi pa të nevojshëm të mos përdorim gaz këtë muaj. Nëse ka gaz të mjaftueshëm besoj do të vazhdojmë përsëri nga muaji i ardhshëm”, tha Marina Aleksovska, drejtoreshë e çerdhes “Angel Shajçe”.

Përveç shtrenjtimin, evidente është edhe mungesa e gazit. Drejtori i “Kumanova-gaz” zbulon se për momentin kjo kompani ka siguruar sasinë e duhur të gazit për një muaj dhe janë në bisedime për të siguruar më shumë. Beson se kjo sasi do të jetë e mjaftueshme sepse shumë furnizues janë larguar ndërsa do të kursejnë edhe nga shkollat të cilat janë në pushim.

Ndryshe kriza e gaz ka kapluar tërë Evropën, gjersa edhe në vendin tonë deri në fund të sezonit pritet që çmimet të jenë të larta.

MARKETING I PAGUAR POLITIK