Në bilancin e pesë ditëve të fundit në vend, numri i vdekjeve nga kornavirusi vazhdon të jetë treshifror.
Prej ditës së hënë pa llogaritur numrat e ditës së sotme, tregon një bilanc të rritur edhe të të shëruarve.
Në vend brenda pesë ditëve janë bërë 15,975 teste.
Nga testet pozitiv kanë rezultuar 5,777 qytetarë.
170 Kanë humbur betejën me Covid 19.
4,470 janë shëruar.
“Gjithsej 443 pacientë të konfirmuar dhe të dyshimtë me KOVID-19 po mjekohen në repartet infektive në spitalet e kryeqytetit. Një pjesë e madhe e tyre janë në oksigjen.
Edhe krahas numrit të madh të pranimeve gjatë ditës së djeshme, sot në mëngjes deri në orën 8 ka pasur 30 vende të lira, ndërsa pritet që gjatë ditës pasi të lëshohen pacientët e shëruar të lirohen vende shtesë edhe në Klinikën për Sëmundje Infektive dhe në SPQ “8 Shtatori”.
Nga Ministria e Shëndetësisë theksojnë se të gjitha repartet infektive kanë oksigjen dhe mund të kujdesen për pacientë të cilët kanë nevojë për mbështetje oksigjeni”, thonë nga Ministria e Shëndetësisë.
Janari pritet të jetë një dritë në fund të tunelit ku në këtë muaj pritet të arrij edhe vaksina kundër Covid 19.
Ministri i Shëndetësisë, Venko Filipce, sot pati një takim me drejtorët e Qendrave Shëndetësore nga i gjithë vendi, ku diskutuan për vaksinimin kundër Covid 19. Organizimi dhe zbatimi i procesit të vaksinimit kundër Covid 19 është i një rëndësie të veçantë dhe përfshin disa palë të interesuara tha ministri i Shëndetësisë Venko Filipçe.
“Pikat ekzistuese të vaksinimit në qendrat shëndetësore në të gjithë vendin, spitalet dhe objektet e tjera shëndetësore do të përdoren për vaksinimin e qytetarëve, sepse ajo infrastrukturë është e vendosur mirë dhe funksionon. Çdo qendër shëndetësore do të duhet të paraqesë një raport pas një inspektimi të kapaciteteve njerëzore në dispozicion të saj, si dhe një inspektim të detyrueshëm të pajisjeve teknike dhe funksionalitetit të tyre”, u shpreh Venko Filipçe – Ministër i Shëndetësisë.
Gjatë ditës së djeshme ministri Filipçe tha se është e rrezikshme që qytetarët me vetë-iniciativë të trajtohen nga Covid-19, kurse rrezik edhe më të madh ka nëse vetë i blejnë barnat në të zezë duke shtuar se të gjithë pacientët duhet të konsultohen me mjekun e tyre amë.