​Mali i Zi vendos masa të reja antiCOVID në hoteleri

Qeveria e Malit të Zi ka miratuar masa të reja kundër koronavirusit, të cilat do të jenë në fuqi deri më 20 gusht.

Hyrja në brendësi të restoranteve, si dhe klubeve të natës dhe disko, lejohet me të paktën një nga katër provat e mëposhtme – që personi është plotësisht i vaksinuar ose ka marrë dozën e parë, ka një test negativ PCR jo më i vjetër se 72 orë, dëshmi se ka kapërcyer COVID-19, dëshmi e një testi të shpejtë të antigjenit negativ, jo më të vjetër se 48 orë.

“Një nga këto kushte duhet të zotërohet nga të gjithë punonjësit në industrinë e hotelerisë,” tha drejtori i Institutit të Shëndetit Publik të Malit të Zi, Igor Galiq.

Pronarët e objekteve janë të detyruar të caktojnë një person, i cili do të kontrollojë posedimin e provave të vaksinimit ose testeve negative. Të miturit nuk u kërkohet të plotësojnë këto kërkesa, përveç kur hyjnë në disko ose klube nate.

Në të njëjtat kushte, lejohet prania e ngjarjeve sportive në natyrë dhe të brendshme. Mbledhjet dhe festivalet masive që nuk mund të kontrollohen në një hapësirë të kufizuar shtyhen deri më 20 gusht.

Qytetarët që kanë marrë certifikatat e vaksinimit deri më tani, pavarësisht nëse është një ose dy doza, ende mund t’i përdorin ato pasi që janë të vlefshme për hyrjen në ambientet e hotelerisë, klubet e natës dhe objektet sportive.