Një i dyshuar është arrestuar dje në Prishtinë, pasi që i njëjti e ka mashtruar një mashkull se do ta punësojë dhe në këmbim ia ka marrë një IPhon 5 dhe një Iphon 6.
Sipas njoftimit nga Policia i njëjti përveç dy Iphon-ve viktimës ia ka marrë edhe letërnjoftimin dhe pasaportën me arsyetim për rregullimin e punësimit duke i prezantuar një listë të rreme të “kandidateve në thirrje”.
Me urdhër të prokurorit i dyshuari është dërguar në mbajtje.