175 нови случаи се регистрирани во последните 24 часа според статистиката на Министерството за здравство. Министерот Филипче вели дека проблем останува Скопје со 131 нов случаи со Ковид-19 за само едно деноноќие. Во Чаир бројката е многу висока, за разлика од другите општини, 209 заразени со новиот вирус.
Вицепремиерот, Бујар Османи, вели дека не е добро да се шпекулира за причините за драстичното зголемување на заразени, но според него главната причина е непочитувањето на мерките.
„Чаир е најгусто населената општина во Европа, таа е на прво место во Европа. Значи, средите каде луѓето се пораспространети, во селата, можноста за ширење на вирусот е помала отколку во најгусто населената општина во Европа. Причината е непочитувањето на мерките, групирањето, не носењето на маски и не-одржувањето личната хигиена. Овие се причините за вториот бран на заразени“, истакна Бујар Османи.
За продолжување на вонредната состојба, Филипче рече дека според него не е оправдано да се продолжи.
Зголемен е бројот на хоспитализирани пациенти во последните денови, но состојбата во болниците останува стабилна. Предвидено е и префрлање на пациенти од една болница во друга или од еден град во друг, врз основа на потребите, рече Филипче.
Во текот на последните 24 часа починале 5 пациенти заразени со Ковид-19. Евидентирани се 18 оздравени пациенти, а вкупната бројка на заразени во нашата земја со Ковид-19 се искачи на 3538, бројот на оздравени е 1682, а имаме 196 жртви. Моментално во нашата земја имаме 1687 активни случаи со Ковид-19.