HARADINAJ I PËRGJIGJET NATO-s PËR TRANSFORMIMIN E FSK-së

0

Haradinaj tha se Kosova është e sigurt që asnjëherë nuk do të rrezikojë marrëdhëniet me NATO-n

Kryeministri i Kosovës, Ramush Haradinaj i është përgjigjur paralajmërimeve të NATO-s për pasoja, në rast se ndodhë transformimi i FSK-së.

Haradinaj tha sot në Kuvend se Ushtria do të kalojë më 14 dhjetor në mënyrë të dinjitetshme.

“Krijimi i Ushtrisë të Kosovës, mandatimi javën që vjen me 14, është proces i brendshëm, vendim sovran i vendit, është në përputhje me kushtetutën tonë, e cila është një ndër më të avancuarat në botë. Aleanca e NATO-s ka peshë të madhe në vendimet e veta për Kosovën, mirëpo, Kosova është e sigurt që asnjëherë nuk do të rrezikojë marrëdhëniet me NATO-n. Kemi plotësuar kushtet bazike për të quar para me ushtrinë tonë”, tha Haradinaj.

Ndër të tjera, Haradinaj shtoi se ushtria e Kosovës do të ofrojë siguri.

Sekretari i përgjithshëm i NATO-s Jens Stoltenberg dje ka tërhequr vërejtjen se Prishtina do të përballet me pasoja serioze nëse e krijon ushtrinë.