Futbolli në zi! Mesazhet prekëse të kolegëve dhe motrës së Emiliano Sala

0

Mbrëmjen e djeshme mediat britanike bënë të ditur zyrtarisht se trupi i gjetur në rrënojat e avionit ishte i futbollistit argjentinas, Emiliano Sala.

Emiliano Sala, futbollisti i lindur në vitin 1990, ka ndërruar jetë pas rrëzimit të avionit me të cilin po transferohej nga Nantes në Francë, drejt Cardiffit në Uells të Britanisë së Madhe.

Trupi i gjetur në mbetjet e avionit në fund të detit, në ngushticën e La Manshit, i përkasin pikërisht atij.

Një ngjarje kjo që ka sjellë një “mjegull” trishtimi për botën e futbollit. Të shumtë janë kolegët që kanë përshëndetur për herë të fundit argjentinasin, përmes mesazheve të publikuara në rrjetet sociale.

Lojtarë dhe klube nga e gjithë bota kanë dedikuar një mesazh ngushëllimi për të. Përveç Cardiffit, ku ai do të luante, mesazhe kanë dërguar Milan, Lazio, Barcelona, sikurse edhe ekipe të vendlindjes së tij, Argjentinë, si Boca Juniors etj..

“Shpirti yt do të shkëlqejë përgjithmonë tek imi”, është mesazhi më prekës i motrës së tij Romina.