ÇDO DITË NDJEHEN TË RREZIKUAR, GARDIANËT ANKOHEN PËR RROGA TË VOGLA

916
0
SHPËRNDAJE

Ivica është një nga 70 policët  e punësuar në Shtëpinë ndëshkuese në Shutkë. Ai tani më 11 vjet punon në këtë burg. Derisa çdo ditë e rrezikon jetën e tij duke i ruajtur kriminelët më të mëdhenj, të ardhurat për punën që bën, janë minimale, ose siç thotë ai, mjaftueshëm vetëm për të mbijetuar. Çdo punë ka rrezikun e vet, por e jona është një nga më të rrezikshmet, thotë Ivica.

“Personi i arrestuar më njeh, më sheh atje tre vjet, dy, varët se sa zgjat procesi. Gjatë këtyre dy vjetëve, çdo të dytën ditë  mund të kesh duel verbal me të. Nëse pëson lëndim prej tij, mund ta denoncosh rastin në gjykatë, por nuk ndërmerren sanksione ndaj tij. Ne nuk mund të zbatojmë sanksione ndaj personave të arrestuar sepse neve nuk na përkrah ligji, ndërsa kur të pësojmë lëndime prej tyre, askush nuk reagon, as ndihmë të shpejtë nuk thërrasin për ne”, tha Ivica Nacevski, Policia e Burgjeve në INP Burg – Shkup.
Ivica thotë se jo vetëm që çdo ditë përballen me rrezikun, ata gjithashtu  kanë problem për të siguruar edhe ekzistencën. Një nga kërkesat e tyre është që të trajtohen njëjtë si kolegët e tyre nga MPB.

“Shkoj në të njëjtën detyrë me pjesëtar të njësitit për intervenim të shpejtë, ai merr 6000 denarë, unë marr 600 denarë. Ai është i siguruar prej në A deri në ZH, ndërsa unë nga ZH deri në A, është anasjelltas,  nuk jemi të mbrojtur aspak”,u shpreh Ivica Nacevski, Policia e Burgjeve në INP Burg – Shkup.
“Shutka” është vetëm një nga burgjet në të cilat situata është kritike. Me kushte të këqija për punë dhe të ardhura minimale prej 14 mijë denarëve, përballen çdo ditë rreth 500 të punësuar në Policinë e burgjeve të Maqedonisë. Për tu tejkaluar këto probleme, nga Sindikata e policisë së burgjeve kërkojnë ndryshme në ligjin për zbatim të sanksioneve. Ata presin përgjigje pozitive nga ministria e drejtësisë.

 “Ne nuk kërkojmë asgjë më shumë, vetëm duam trajtim të barabartë me kolegët e MPB-së. Të përcaktohet dalja në pension, të dilet në pension me 30 vjet stazh efektiv apo me gjithsej 40 vjet stazh, me 80% nga dhjetë vitet më të mira”, tha Ivo Jordanovski, Kryetar i Sindikatit të INP Burg – Kumanovë.

Nga sindikata thonë se në Maqedoni, në tetë persona të dënuar me burg, ka një të punësuar, por për shkak të kushteve të rëndë të punës, çdo ditë numër i madh i të punësuarve e lëshojnë vendin e punës. Sipas Sindikatës së pavarur të policisë së burgjeve, e cila ka anëtar të vet në nëntë nga 12 burgjet e Maqedonisë, situata më kritike është në burgun e Shutkës dhe atë të Idrizovës.

Përgatiti: Dançe Azmanova