Ali Ahmeti uron Edi Ramën

TË FUNDIT

Kryetari i BDI-së Ali Ahmeti ka uruar Edi Ramën për fitoren në zgjedhjet e rregullta parlamentare që u mbajtën më 25 prill në Shqipëri.

“I nderuar Kryetar i Partisë Socialiste, i respektuar Kryeministër i Republikës së Shqipërisë, i dashur Edi,

Vëllazërisht dhe zemërplotë të uroj për fitoren e madhe në zgjedhjet parlamentare të 25 prillit.

Populli gjithmonë ka të drejtë dhe këtë përgjegjësi që ta ka mveshur supeve, unë kam bindjen e plotë, se ti do ta bartësh krenar, kryelartë dhe faqebardhë, siç është vet Shqipëria.

Jam pranë teje dhe shqiptarëve, bashkëudhëtar i rrugës sonë të përbashkët për t’i bërë bashkë shqiptarët në Europën e bashkuar dhe të barabartë me të gjithë të tjerët.

Edi, ke qenë pranë në kohë të mira e në kohë të vështira, ke prirë dhe gjithnjë ke shtruar dorë bashkëpunimi dhe unë të jam mirënjohës dhe do më kesh pranë, hap pas hapi, vendim pas vendimi, sukses pas suksesi.

Paç shëndetin e të priftë e mbara, ty e Shqipërisë sonë”, ka shkruar kreu i BDI-së, Ali Ahmeti.

Në këto zgjedhje Partia Socialiste në krye me Edi Ramën sipas rezultateve paraprake ka fituar 74 ulëse në Kuvend.