“REPUBLIKA E MAQEDONISË SË ILINDENIT”, MINISTRJA BULLGARE FLET PËR PROPOZIMIN E RI

621
0
SHPËRNDAJE

 

Për Ministren e Jashtme të Bullgarisë, Ekaterina Zaharieva, propozimi “Republika e Maqedonisë së Ilindenit” është i pranueshëm, si zgjidhje për çështjen e emerit të Maqedonisë. Këtë emër ajo e sheh si dëshmi që Maqedonia dhe Bullgaria kanë një të kaluar të përbashkët. Kryeministri maqedonas, Zoran Zaev ka njoftuar se të premten do të zhvillojë një takim me krerët e partive dhe presidentin për të diskutuar propozimin që mund të jetë i pranueshëm për Maqedoninë dhe Greqinë. Kryengritja e Ilindenit është zhvilluar në vitin 1903 kundër Perandorisë Otomane.

“Republika e Maqedonisë së Ilindenit për mua do të thotë për mua se ata pranojnë që ne kemi histori dhe të kaluar të përbashkët, sepse kjo është pjesë shumë e rëndësishme e historisë bullgare, është moment shumë i rëndësishëm edhe për historinë e tyre. Kështu që mua më duket se ata e kanë kuptuar dhe njohur se kemi të kaluar dhe histori të përbashkët”, tha Ekaterina Zaharieva, Ministre për Punë të Jashtme të Bullgarisë.