PESË TË VRARË E PESË TË PLAGOSUR NË TË SHTËNAT NË NJË KISHË

480
0
SHPËRNDAJE

Pesë gra janë vrarë si pasojë e të shtënave në një kishë në republikën e Dagestanit në Rusi. Pesë persona të tjerë, përfshirë një polic dhe një rojë të sigurisë, janë plagosur në këtë sulm, dy prej të cilëve raportohet të jenë në gjendje të rëndë shëndetësore. Një perëson ka hapur zjarr në drejtim të njerëzve të cilët po merrinin pjesë në shërbesën e mbrëmjes në kishën në qytetin e Kizlarjit. Sulmuesi është qëlluar duke u vrarë nga policia në vend ngjarje. Ai më vonë është identifikuar si Khalil Khalilov, 22 vjeçar, dhe banor i Dagestanit.

Shteti Islamik e ka marrë përgjegjësinë për sulmin, ndonëse nuk ka ofruar asnjë  dëshmi për të.

Sulmuesi kishte përdorur një pushkë gjuetije, duke hapur zjarr drejt besimtarëve të cilët po largoheshin nga kisha pas shërbesës së mbrëmjes që ishte organizuar me rastin e festivalit tradidional të Maslenicës.

Dagestani që ndodhet në Kaukazin Verior në Rusi është një republikë me një diversitet etnik dhe me një popullsi kryesisht myslimane.

S'KA KOMENTE

PËRGJIGJU