SOT KOSOVA VOTON PËR KRYETARË TË KOMUNAVE

661
0
SHPËRNDAJE

#LIVE Kosova voton për kryetarë komunash#LIVE Kosova voton për kryetarë komunash

Posted by RTV21 on Saturday, November 18, 2017

Sot votojnë komunat në balotazh

Sot një milion e 353 mijë e 613 qytetarë me të drejtë vote do të mund të hedhin votën për kryetarë të 19 komunave të Kosovës.

Zyrtarët e Komisionit Qendror të Zgjedhjeve bënë të ditur se kanë bërë tashmë të gjitha përgatitjet për mbajtjen e rrethit të dytë të zgjedhjeve komunale.

Valmir Elezi nga KQZ ka njoftuar se materiali zgjedhor do të shprëndahet në orët e herëshme të mëngjesit. “614 qendra të votimit, me 1777 vendvotimet… 1 milion 353 e 613 votues. Në komunën e Parteshit janë 3 qendra të votimit me gjithsej 7 vendvotime me 4694 votues. Të gjitha qendra do të hapet në orën 7 të mëngjesit dhe do të mbyllen në orën 19”, ka thënë Elezi

Për balotazhin e sotëm janë akredituar mbi 12 mijë vëzhgues.

“Sa i përket numrit të vëzhguesve, janë më shumë së 12 mijë të cilët do të përcjellin nga afër procesin zgjedhor, pastaj organizata qeveritare vendore, ndërkombëtare dhe do të ketë edhe vëzhgues nga misioni i BE-së. Ndërkaq nr i komisionerëve që do të jenë të angazhuar është më shumë se 14 mijë komisionet apo anëtar të këshillave të vendovotimit, ka deklaruar Elezi

Rrethi i dytë i zgjedhjeve për kryetarë të 19 komunave do të vëzhgohet edhe nga koalicioni i organizatave joqeveritare vendore, “Demokracia në Veprim”.

Policia e Kosovës bëri të ditur se janë bërë të gjitha përgatitjet për të garantuar rendin dhe sigurinë gjatë procesit zgjedhor.

Qytetarët me votat e tyre përcaktuan kryetarët në 19 komuna në zgjedhjet e 22 tetorit, pa pasur nevojë që të ketë rreth të dytë të zgjedhjeve./21Media

S'KA KOMENTE

PËRGJIGJU