Në këtë vit 2020, koncepti për qytet më të mirë për jetesë ka ndryshuar… Tashmë nuk merret parasysh vetëm zbavitja dhe kultura, ajri i pastër dhe paga e lartë. Këtë vit, para së gjithash, më i rëndësishëm ishte -shëndeti.
Revista “Glloball Fajnens”, tradicionalisht, e përgatiti listën vjetore të qyteteve më të mira për jetesë në botë, në bazë të parametrave të zakonshëm, por tani merret parasysh edhe numri i të vdekurve nga Kovid-19 në milionë banorë, që vlerësohet me koeficient 3 për prioritet. Të dhënat janë siguruar nga Universiteti “Xhon Hopkins”.
Në këtë kuptim, Tokio është në vendin e parë, ndërsa qytetet evropiane Milano, Madrid dhe Barcelona u gjetën pas vendit të 35-të…Që nga çasti i parë, kur virusi doli nga kufijtë e Kinës, Japonia i mbylli kufijtë e saj dhe njoftoi se i shtynë Lojërat Olimpike, duke arritur njëkohësisht dhe me mjaft efikasitet t’i mbrojë qytetarët e saj, aq sa ishte e mundur.
Vijon lista e qyteteve më të mira për jetesë në vitin 2020:
1. Tokio, Japoni,
2. Londër, Britani e Madhe,
3. Singapori
4. Nju Jork, SHBA,
5. Melburn, Australi,
6. Frankfurt, Gjermani,
7. Paris, Francë,
8. Seul, Koreja e Jugut,
9. Berlin, Gjermani,
10. Sidnei, Australi