Policë të stacionuar në çdo cep të Shkupit! Për 1 javë gjobiten mbi 6 mijë qytetarë! Mbi 350 mijë euro për arkën shtetërore

TË FUNDIT

Qytetarët për t’u shmangur gjobave kanë filluar të vozisin me kujdes, duke respektuar rregullat e komunikacionit. Por polica çdo ditë vendoset në ndonjë pikë të rrugës në disa komuna të vendit për të kapur shkelësit e ligjit.

Por ka edhe prej atyre që shkelin ligjin, për këtë dëshmojnë edhe gjobat të cilët e publikon për çdo ditë në raportin ditor.

Për një javë gjegjësisht prej 26 tetor deri më 1 nëntor për kalimin e semaforit kuq janë gjobitur 99 persona. E gjoba për këtë kushton 300 euro, që i bie për një javë në arkën e MPB-së janë inkasuar rreth 30 mijë euro.

Për mosrespektimin e shpejtësisë së paraparë, gjegjësisht tejkalimin e shpejtësisë janë gjobitur 180 vozitës, e për këtë është paraparë gjobë prej 10 deri 400 euro varësisht sa është tejkaluar shpejtësia. Mesatarisht për këtë janë inkasuar 36 mijë euro.

Për mos pasjen e patent shoferit për një javë janë sanksionuar gjithsej 640 persona, ndërsa gjoba për këtë është 300 euro. Nëse shumëzohen i bie që në arkën shtetërore janë inkasuar 192 mijë euro.

Policia më së shumti ka shqiptuar gjoba për mos mbajtjen e maskave, për një javë gjithsej 5 mijë e 719. Lartësia e gjobës është 20 euro, nëse paguhet për 8 ditë atëherë është 10 euro. Mesatarisht për këto gjoba janë inkasuar mbi 85 mijë euro.

Nëse i llogarisim në total për një javë për të gjitha këto shkelje janë inkasuar mbi 350 mijë euro ose 6 milionë denarë nga gjithsej 6 mijë qytetarë të sanksionuar.

Aksione për kontrolle të përforcuara nuk ka vetëm në Shkup po edhe në qytete të tjera. Sipas MPB-së qëllimi nuk është gjobitja por ngitja e kulturës dhe përmirësimi i sigurisë në trafik. Shmangia e ndërhyrjeve për heqjen e gjobave është arsyeja pse janë sjellë policë nga qytete të tjera. Aksionet e tilla kanë filluar që nga 15 shtatori dhe nuk dihet se deri kur do të punojnë me këtë intensitet.