0

Ministria e Punëve të Brendshme njofton se mbrëmë prej orës 23:00 deri 05:00 të mëngjesit kanë realizuar kontrolle në komunikacion, gjegjësisht në rajonin e SPB-së në  Shkup, me qëllim që të zbulojë dhe sanksionojë shoferët të cilët kanë drejtuar makinat nën ndikim të alkoolit.

“Gjithsej janë kontrolluar 1234 shoferë. 726 shoferë janë testuar për alkoolin, ndërsa prej tyre 248 kanë rezultuar pozitiv në test, gjegjësisht kanë pasur prani të tepruar të alkoolit në gjak. Gjithashtu janë konstatuar edhe 252 shkelje tjera”, thonë nga MPB.

Ndërsa gjithashtu nga MPB-ja thonë se do të vazhdojnë me kontrollet dhe aksione të tilla në periudhën e ardhshme, sidomos në territorin e kryeqytetit, ku edhe  apelojnë tek qytetarët që të respektojnë rregullat në komunikacion, me qëllim që të rritet siguria nëpër rrugë.

0

Dje në orët e mbrëmjes, nga ana e zyrëtarve të Policisë, nga SPB-ja në Tetovë, është kryer kontroll aksioni në objektin hotelerik ,,Korabi” në fshatin Sedllarcë e Epërme, pronë e personit L.B. 48 vjeçar nga Tetova, ndërsa gjatë kontrollit janë ndaluar 16 persona të gjinisë femërore, nga të cilat 13 shtetase të  Shqipërisë, 1 shtetase e  Kosovës dhe 2 nga Maqedonia.

Nga SPB-ja, njoftojnë se të gjitha  janë arestuar, kurse shtetaset e huaja, janë dorëzuar në Departamentin për krim ndërkufitarë, migracion dhe të huaj, për procedurë të mëtutjeshme.

0

Tre persona janë arrestuar për ngarkesën prej 310 kg kanabis e sekuestruar dje në fshatin Kraps të Fierit, Policia informoi arrestimin e V.M, 28 vjeç G. Sh 33 vjeç dhe F. Sh 25 vjeç, të tre banues në Vlorë.

Droga u sekuestrua në një furgon më 20 prill 2018. Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve” parashikuar nga Neni 283 i Kodit Penal.

 

0

Kryeministri i Maqedonisë Zoran Zaev pret që në mes të vitit të bëhet ribalanci i buxhetit, por siç deklaroi nuk do të ketë korrigjim të shkallës së rritjes.

Ai beson se mund të arrihet rritja ekonomike prej 3.2 për qind, edhe për kundër asaj që institucionet ndërkombëtare finansiare i kanë zvogëluar projeksionet për rritjen ekonomike.

“Besoj se nëse arrijmë të realizojmë 65 për qind të ofanizivës së paralajmëruar investuese, do ta arrijmë rritjen ekonomike prej 3.2 për qind, ndërsa ambicia ime është që Maqedonia mund të arrijë rritje ekonomike prej 4 për qind”, tha Zaev në pres-konferencë të Qeverisë së Republikës së Maqedonisë.

Ndërsa Zaev shtoi se rritja ekonomike nuk varet vetëm prej qeverisë, por edhe prej komunave, institucioneve, investimeve në infrastrukturë dhe aspekte tjera.

 

0

Sot herët në mëngjes është gjetur një trup i pajetë i një gruaje në ujërat e Liqenit të Ohrit, afër bregut në fshatin Labunishtë.

Trupin e ka gjetur një kalimtar i rastit i cili menjëherë e ka njoftuar policinë.

Nga SPB-ja në Ohër nuk kanë dhënë detjae lidhur me identitetin e gruas, por as për rrethanat se si ka ndodhur incidenti.

Për ngjarjen është njoftuar edhe prokurori publik i cili do të nis procedurën hetimore në vendngjarje në prezencën e policisë.

0

Fokusi është vënë në zgjidhjen e emrit, kurse jo në afatet kohore. Tani është momenti vendimtar që të gjejmë zgjidhje. Hyjmë në një fazë më të detajizuar ku patjetër duhet që të jemi më kreativ që të mundemi të dyja anët ti mbrojmë theksoi Zaev.

Zaev gjithashtu shtoi se nëse vazhdojnë bisedimet në frymën pozitive do të arrihet zgjidhje.

Në lidhje me Samitin e NATO-s, kryeministri Zaev tha se Maqedonia ka ftesë të mënjëhershme për antarësim në Aleancë, përderisa gjendet zgjidhje për emrin, dhe do të fillon procesi i ratifikimit të marrëveshjes për antare fuqiplotë.

0

Departamenti Amerikan i Shtetit sot ka publikuar raportin për të drejtat e njeriut për Maqedoninë, ku çështje më të ndjeshme ka përmendur torturën e rojtarëve të burgjeve, ndërhyrjen në privatësi, dhunën mbi gazetarët, mungesë të pavarësisë së gjyqësorit, korrupsionit si dhe dhunën mbi personat LGBTI.

“Qeveria ka ndërmarrë disa hapa për të hetuar, ndjekur penalisht dhe dënuar zyrtarët që kanë kryer abuzime, duke përfshirë oficerët e policisë fajtor për përdorimin e tepruar të forcës, por posedimi i imuniteteve vazhdon të jetë një problem i theksuar. Nga 15 prilli deri më 15 shtator, Prokuroria Speciale, e cila heton akuzat për korrupsion në periudhën nga viti 2008 deri në vitin 2015, ngriti 18 akuza kundër 120 të akuzuarve dhe ka hapur shtatë hetimet kundër 25 të dyshuarve. Gjithashtu nisur nga hetimet paraprake dhe 142 sjellje haptazi kriminale në lidhje me ose që dalin nga përmbajtja e komunikimeve të përgjuara në mënyrë të paligjshme” theksohet në raportin e  Departamenti i Shtetit.

DASH, gjithashtu në raport thekson se Ligji ju mundëson që të akuzuarit të bisedojnë me avokatët e tyre, ndërsa pushteti jo çdo herë i informon të akuzuarit për këtë të drejtë dhe jo çdo herë i lejon që të konsultohen me avokatët e tyre, para se të dorëzojnë ankesë.

“Ekzistojnë raste kur policia fton të dyshuarit dhe dëshmitarët në stacionin policor për biseda informative, pa i njoftuar për të drejtat e tyre dhe pa praninë e këshilltarit juridik”, thuhet në raport.

Në raporti theksohet se Avokati i Popullit ka marrë dy ankesa për shkak të arrestimeve arbitrare, ndërsa një numër i madh i rasteve gjyqësore për funksionarë të lartë akoma nuk janë zgjidhur për shkak të anulimit të shpeshtë të seancave gjyqësore, ndër të tjera thuhet edhe se financimi joadekuat në gjyqësor vazhdon të pengojë operacionet gjyqësore dhe efektivitetin.

Në raportin e DASH, janë paraqitur edhe kritikat për mos përfaqësim të drejtë nëpër ministritë dhe ndërmarrjet publike.

Shqiptarët etnik vazhdojnë që ta kritikojnë mos përfaqësimin e drejtë nëpër ministritë dhe në ndërmarrjet publike, thuhet në raportin e Stejt Depertamentit për të drejtat e njeriut të vitit 2017 në pjesën e komuniteteve.

Janë notuar vërejtje për regjistrim në Akademinë Policore. Shqiptarët etnik pohojnë se Qeveria ka dizajnuar procesin e testimit në Akademinë Policore në atë mënyrë që etnitetet më të vogla në mënyrë të padrejtë që të mos kenë qasje.

Përfaqësimi i shqiptarëve etnik dhe komuniteteve të tjera në administratën e Ministrisë së Mbrojtjes mbetet në nivel të ulët. Disa njësi elitare të policisë dhe ushtrisë nuk kanë asnjë përfaqësim të komuniteteve të tjera etnike.

Romët gjithashtu kanë paraqitur që gjerësisht janë të diskrimuar në shoqëri. Turqit etnik janë ankuar gjithashtu për diskriminim, thuhet në Raportin e Stejt Departamentit.

 

0

Kryeministri Zoran Zaev sot deklaroi se do të jetë si dëshmitar në rastin “Monstra”, nëse këtë e kërkon gjykata.

Të gjitha materialet për këtë rast, siç tha, i ka dorëzuar në gjykatë.

Nëse kërkon gjykata që të jem dëshmitar dhe të tregoj çfarë di, këtë do e bëj sepse kjo është obligim qytetar. Të gjitha materialet, jo vetëm për “Monstrën”, të gjitha i kam dorëzuar, tha Zaev duke u përgjigjur në pyetjen e gazetarëve në pres-konferencën e Qeverisë për investimet e planifikuara në infrastrukturën lokale.

Në lidhje me pohimet për bisedën ndërmjet Fejzi Azirit dhe ish kryetarit të Gostivarit, Nevzat Bejta, kryeministri tha se në bombat, ka pasur bisedë ndërmjet tyre ku Aziri ka kërkuar subvencione për bujqësi. Këtë bisedë, siç theksoi Zaev, ja ka treguar edhe prindërve të të vrarëve tek Liqeni Smillkovës.

 

 

0

Parlamenti i Turqisë miratoi mbajtjen e zgjedhjeve të parakohshme parlamentare dhe presidenciale, për të cilat presidenti turk, Recep Tayyip Erdogan këmbënguli se janë të domosdoshme, për shkak të paqartësisë në Siri.

Shumica e deputetëve votuan që zgjedhjet e parakohshme presidenciale dhe parlamentare, të mbahen një vit e gjysmë para terminit të rregullt, që ishte përcaktuar për në nëntor të vitit të ardhshëm, shkruan rtv21.tv.

Erdogan kërkoi që zgjedhjet e parakohshme të zhvillohen më 24 korrik, duke theksuar se ato janë të domosdoshme, me qëllim që sa më shpejtë të hyjë në fuqi sistemi presidencial dhe që Turqia të përballet me sfidat që ka përpara.

Me referendumin e organizuar vitin e kaluar, Turqia nga sistemi parlamentar ka lëvizur drejt sistemit presidencial, me të cilin pjesa më e madhe e kompetencave bartet në duart e Presidentit. Ndryshimet do të hyjnë në fuqi pas zgjedhjeve të radhës./21Media

0

Një zyrtar i lartë i administratës amerikane u tha gazetarëve se presidenti Donald Trump dhe homologu i tij francez Emmanuel Macron do të bisedojnë për marrëveshjen bërthamore me Iranin, gjatë takimit në Shtëpinë e Bardhë javën e ardhshme. Ky zyrtar tha se Trump gjithashtu do të bisedojë edhe për çështje të tjera me liderin francez, përfshirë edhe për sulmet e përbashkëta ajrore në Siri, që u kryen në kundërpërgjigje ndaj një sulmi të dyshuar kimik në qytetin Duma.

Macron pritet të qëndrojë në Shtetet e Bashkuara nga 23 deri më 25 prill. Gjatë ditës së fundit të vizitës së tij, ai pritet të mbajë një fjalim në Kongresin amerikan. Trump ka kërcënuar se do të tërhiqet nga marrëveshja bërthamore e nënshkruar më 2015, ndërmjet Teheranit dhe fuqive botërore.

Kjo marrëveshje i mundëson lehtësim të sanksioneve Iranit, në këmbim të frenimit të programit bërthamor. Trump ka vendosur 12 majin, si afat për të përmirësuar marrëveshjen.