Array

Shqiptari i LSDM-së “IN” i BDI-së “OUT”; zyrtarët mohojnë punësimet partiake në MPB

Must Read

Digjen disa makina në Novo Lisiçe – Video

Disa makinave u është vënë zjarri në një parkingë në Novo Lisiçe. Ende...

423 shkelje për mosmbajtjen e maskës

Në territorin e Republikës së Maqedonisë së Veriut gjatë 24 orëve të fundit janë resgjistruar 423 kundërvajtje...

Pirlo do të zëvendësojë Sarrin

Pas shkarkimit të Maurizio Sarri-t nga stoli i Juventus-it, ekipi konfirmoi legjendën Andrea Pirlo si trajnerin e...

- Advertisement -

Nënkryetari i LSDM-së Muhamed Zekiri pohon se Ministria e Punëve të Brendshme nuk është shtab partiak.

Kështu ai i tha dje TV21 duke u përgjigjur për rokadat dhe lëvizjet që po bëhen në MPB, se po hiqen kuadro të afërta me BDI-në, e po vendosen ata të afërt me LSDM-në.

- Advertisement -

“MPB nuk është shtab partiak fillimisht. Ata që thirren se janë kuadro të BDI-së a na u paskan shkarkuar tash flet për vetë ata se ata i kanë shërbyer partisë e jo qytetarëve. Pjesëtarët e MPB i shërbejnë qytetarëve dhe jo partisë. Ka kaluar koha kur dikush MPB e trajtonte si shtab partiak gjatë regjimit VMRO-DPMNE-BDI”, thotë Muhamed Zekiri, nënkryetar i LSDM-së.

- Advertisement -

Në fakt fotografi dhe video dëshmojnë të kundërtën e asaj që thotë Zekiri, se MPB nuk është shtab partiak dhe se “ka kaluar koha kur dikush MPB e trajtonte si shtab partiak gjatë regjimit VMRO-DPMNE-BDI”.

Këto pamje tregojnë se njerëz të afërt me LSDM-në janë nëpër pozita në Ministrinë e Brendshme.

Një prej tyre është edhe rasti i njërit prej të punësuarve në MPB, gjë për të cilën ditë më parë ka raportuar TV21 rreth rokadave në pikëkalimin Bllacë, fotografitë e të cilit tregojnë afërsinë e tij me LSDM-në.

TV21 do ta ruajë identitetin e tij dhe funksionin e tij si zyrtar policor, arsye për të cilën as nuk pranoi të flasë para kamerës.

Po i njëjti ka marrë pjesë edhe në fushatën presidenciale në mbështetje të Stevo Pendarovskit.

TV21 po ashtu ka fotografi të personit i cili ka lëvizur nga pozita e tij e punës, e që dëshmojnë afërsinë me BDI-në, si kjo foto ku ai në një tubim qëndron afër Blerim Bexhetit.

E krahas Zekirit, edhe zëvendësministri i Punëve të Brendshme Agim Nuhiu, në përgjigje me shkrim për rastin në Bllacë, mohon avancimet në baza partiake.

 

“Është e kundërta e asaj që Ju pretendoni në kronikat televizive në lidhje me risistematizimet e punonjësve në stacionin kufitar Bllacë! Ju lutemi për verifikimin e plotë dhe të drejtë të fakteve veç e veç dhe në tërësi”, theksoi Agim Nuhiu, zëvendësministër për Punë të Brendshme.

Megjithatë Nuhiu as sot nuk pranoi që të flasë para kamerës rreth kësaj çështjeje.

E bashkëpartiaku i tij, zëdhënësi i BDI-së Bujar Osmani ditë më parë deklaroi që askush nuk duhet që në punën e tij administrative të dënohet për shkak të bindjeve politike.

“Në princip nuk mendoj që në shërbimet e policisë duhet të ketë kuadër të BDI-së ose kuadër të LSDM-së por askush nuk guxon të diskriminohet për shkak bindjeve politike”, u shpreh Bujar Osmani, zëvendëskryeministër për Çështje Evropiane.

E kreu i VMRO-DPMNE-së, lëvizjet dhe sistematizimin në MPB i quan gjimnastika të pushtetit që për qëllim kanë ta pengojnë ministrin teknik që opozita duhet ta emëroj pas rreth një muaji.

“Nëse Zoran Zaev, Oliver Spasovski, LSDM e dinë se kanë bërë politikë të ndershme, të sinqertë me bashkëqytetarët, nuk kanë nevojë për gjimnastika të tilla në Ministrinë për Punë të Brendshme, ta pengojnë punën e ministrit teknik që do ta propozojë opozita, nuk ka pse të frikësohen. Realiteti është krejtësisht ndryshe. Janë të frikësuar. Këtë e shoh në sytë e tyre. E shoh panikun që mbizotëron tek ta”, deklaroi Hristijan Mickoski, kryetar i VMRO-DPMNE-së.

Ditëve të fundit TV21 ka raportuar për dy raste, një në pikëkalimin kufitar Bllacë e një në Tabanoc, ku janë bërë lëvizje të zyrtarëve të lartë policor. Më saktësisht, burime të TV21, kanë treguar se nga pozitat e tyre janë larguar kuadro të afërta me BDI e janë vendosur të afërt me LSDM-në, kjo siç thonë burimet tona, me qëllim që LSDM të përforcojë disa pozita kyçe në strukturat e policisë, para se të emërohet ministri i brendshëm teknik.

- Advertisement -

Latest News

423 shkelje për mosmbajtjen e maskës

Në territorin e Republikës së Maqedonisë së Veriut gjatë 24 orëve të fundit janë resgjistruar 423 kundërvajtje për mosmbajtjen e maskës për...

Pirlo do të zëvendësojë Sarrin

Pas shkarkimit të Maurizio Sarri-t nga stoli i Juventus-it, ekipi konfirmoi legjendën Andrea Pirlo si trajnerin e ri të ekipit.

Zelanda e Re fiton betejën me Covid-19, 100 ditë pa raste të reja

Zelanda e Re ka kaluar 100 ditë pa regjistruar një rast të vetëm të korona virusit nga komuniteti, diçka që duket se...

Çeki, zjarr në një ndërtesë, 11 të vdekur

Policia në Republikën e Çekisë po heton një zjarr që mori jetën e 11 njerëzve, përfshirë tre fëmijë.
- Advertisement -

More Articles Like This

- Advertisement -
WP2Social Auto Publish Powered By : XYZScripts.com