MSH: Dje kanë aplikuar 11.695 vaksina, qytetarët të kyçen masivisht

TË FUNDIT

Vaksinimi po zhvillohet normalisht në të gjitha pikat në të gjithë vendin, ndërsa vijon edhe vaksinimi në terren. Në pikat e vaksinimit në vend dhe në terren, që nga dje, janë vaksinuar gjithsej 446.008 qytetarë. Dozën e parë të vaksinës dje e kanë marrë 4.799 qytetarë, ndërsa janë vaksinuar gjithsej 11.695 qytetarë. Gjithsej 713.114 doza të vaksinave janë aplikuar në vend dhe 267.106 qytetarë janë rivaksinuar, njoftoi Ministria e Shëndetësisë.

Ministria apelon tek qytetarët që të përfshihen në vaksinimin masiv sepse vetëm në këtë mënyrë do të mund ta mposhtim virusin.

Sipas shifrave të fundit, 58 për qind e popullsisë mbi moshën 70 vjeç, 55 për qind e njerëzve mbi moshën 65 vjeç, 50 për qind mbi moshën 60 vjeç dhe 40 për qind e atyre mbi moshën 50 vjeç kanë marrë të paktën një dozë të vaksinës.

Qytetarët vaksinohen pa termin në pikat ekzistuese të vaksinimit në të gjithë vendin. Procesi i vaksinimit në terren zhvillohet në të gjithë vendin, me rotacionet e ekipeve mjekësore në secilin fshat, vendbanim rural, theksojnë nga Ministria e Shëndetësisë.

“Faqja vakcinacija.mk është e hapur për caktimin e termineve për vaksinimin e fëmijëve. Rivaksinimi bëhet në sallat sportive në qytetet në Kavadar, Kumanovë, Tetovë, Shtip, Manastir, Strumicë, Ohër, Veles dhe Prilep dhe në QS A1 Boris Trajkovski në Shkup, theksojnë nga Ministria e Shëndetësisë.